கார், வீடு, கண்ணாடி துடைக்கும் ரசாயனம்

பொதுவாக மழைக்காலங்களில் கார்கண்ணாடிகளை சுத்தமாகப்பராமரிப்பது மிகவும் அவசியமான ஒன்று, அதற்க்கு  உறுதுணையாக இருப்பவை கண்ணாடியை சுத்தப்படுத்தும் ரசாயனங்கள், இவை வண்டியின் முன்புறமுள்ள சிறு கேனில் நிரப்பப்பட்டு மோட்டார்மூலம்  தேவையானபோது  கண்ணாடிமீது செலுத்தப்பட்டு சுத்தப்படுத்தப் பயன்படுத்தப்படுகிறது. பாதுகாப்பான  பயனத்துக்கு இவை மிகவும் முக்கியமானவை ஆகும்.

இக்கலவைகள்  கடைகளில் பல பெயர்களில் பலவிதமான விலைகளில் கிடைக்கின்றன, பொதுவாக வண்டியை சர்வீஸ் செய்யும்போது  அங்கு இத்திரவத்தை  நிரப்பிவிடுவார்கள்  ஆனால் மழை காலங்களில்  அடிக்கடி இதை நாம் பயன்படுத்தநேரும்போது  இது விரைவில் தீர்ந்துவிடும் எனவே சுத்தப்படுத்தும் திரவத்தை வெளியில் வாங்கவேண்டிய தேவை எழுகிறது. வண்டிகளுக்கான சரக்குகள் விற்கும் கடையில் கடையில்  காருக்கு என்று கேட்டால் ரூ 300 அளவில் 1/2 லிட்டர் கேனாகக் கிடைக்கும்,  விலையைக்கேட்டு  அதிர்ச்சியடைபவர்கள்  குழாய்தண்ணீரையோ அல்லது அதனுடன் சிறிது திரவசோப்பு  கலந்தோ வண்டியில் ஊற்றிப் பயன்படுத்துவர்,

இவ்வாறு குழாய்த்தண்ணீரையும்  சோப்பையும் கலந்து பயன்படுத்தும்போது  தண்ணீரில் உள்ள தாதுப்புகள்  காரில் உள்ள  இத்திரவம் வரும் நுண்குழாய்களில் படிந்து இதன் செயல்பாட்டைப்பாதிக்கும்,  சோப்பு  சரியான அளவில் பயன்படுத்தப்படவில்லை எனில் அவை படலம்போல் படிந்து  காட்சித்தெளிவைப் பாதிக்கும்.

இதிலிருந்து தப்பிக்க நாம் கடைகளில் விற்கும் வீட்டுக்கண்ணாடிகளை சுத்தப்படுத்தும் திரவங்களை வாங்கி அவற்றை அப்படியே நிரப்பிப் பயன்படுத்தலாம் காருக்கான கலவைகளின்  விலையோடு ஒப்பிடுகையில்  ஓரளவு இவை பரவாயில்லை,  ஆனால் வீட்டில் இவற்றை நாம் பயன்படுத்துவதற்கும் காரில் பயன்படுத்துவதற்கும் இடையில் உள்ள வேறுபாடு காரணமாக இவையும் பொருளாதார ரீதியில் சிறப்பானவை அல்ல

சரி வேறு என்னதான் வழி?

அதுதான் நமக்கு கைவந்த கலை ஆயிற்றே! வேறென்ன?  நாமே செய்துவிடவேண்டியதுதான்!

செய்முறை

தேவையான பொருட்கள்

1. காய்ச்சி வடித்த நீர் ( Distilled water Not acid water) 2 லி
2. 30 மிலி வினிகர் ( இயற்கை முறையிலும் கிடைக்கிறது)
3. 5 மிலி டிஷ் வாஷ் 
4. 100 மிலி ரப்பிங் ஆல்கஹால் (Surgical spirit- iso propyl alcohol) 
5. 4 லி கொள்ளளவுகொண்ட கேன்

முதலில் கேனில் 100 மிலி ரப்பிங் ஆல்கஹாலை எடுத்துக்கொள்ளவும் பின் அத்துடன் 2 லி காய்ச்சிவடித்த நீரை கலக்கவும், பின்பு மற்றவற்றை ஒவொன்றாகக் கலக்கவும், நன்கு கலக்கிய கலவையை வண்டியிலுள்ள  Reservoir Cane ல் சேர்க்கவும். இப்பொழுது கன்ணாடியைக் கழுவ Homemade Windshield Washer Fluid,தயார்